Diasabra anochi mester a tuma luga e concierto di Yeison Jimenez y Elder Dayan Diaz, pero na su yegada no a lag’e drenta. Consecuentemente el a bay bek pero a yega un rato pasa. E concierto ta sigui awe nochi.
Yeison Jimenez, cantante, a conta cu e ta contento di por cumpli cu e comunidad di Aruba. Pa nan ta importante di por realisa cada espectaculo, pasobra hopi hende ta wardando riba nan. No mester a warda hopi dia pa realisa e concierto.
E mes no sa kico por a pasa diasabra na nan yegada, unda cu no a lag’e ni e musiconan drenta. Jimenez a sigui conta cu apenas nan a yega nan cas, a avisa nan cu e concierto ta tuma luga awe y esey a pone cu desde trempan nan a sali rumbo pa Aruba. “Ayera mi tabata tristo, hopi hende a skirbi mi”, el a comenta. E unico cos cu el a bisa nan tabata pa keda trankil y lo realisa e concierto.
Su agrupacion como esun di Elder t’ey completo. Awe nochi loke por spera ta e show cu mester a tuma luga ayera. Nan no tin ningun medida, e team completo t’ey. E tambe a bin pa disfruta di Aruba.
Darren van Ommeren, promotor, a splica cu di ta contento cu e concierto ta sigui. El a gradici tur instancia cu a yuda pa haci posibel cu agrupacion di Yeison Jimenez ta na Aruba, unda cu anochi tur hende por disfruta dje show. Segun van Ommeren, pa 4:45 pm Elder Dayan Diaz y su agrupacion ta yega.
No tin cambio den programacion, ya cu esaki ta cuminsa pa 8:00 pm y nan tin permiso di Cuerpo Policial te cu 3:00 am.
