Diadomingo dia 25 di februari e bishitantanan di Concierto Dominical Donny Laclé a disfruta atrobe di un dushi ambiente den Café Musical na Biblitoeca Nacional.
E concierto a cuminsa cu presentacion di Tomás González, un cantante cu a compaña su mes cu su guitara y pista. Originalmente e ta di Argentina.
Entre otro el a canta dos cantica di Argentina: “Cuando no estás conmigo”, un tango y “Río Rebelde”, un cantica folcorico, ademas di un algun otro di Chile y Ecuador
Manera di costumber e caha di glas a pasa rond den cua e public a haci un donacion. Asina Fundacion Donny Laclé por sigui yuda nos hobennan talentoso riba tereno di musica. Durante e concierto dia 3 di december, aña pasa, e fundaciona entrega no menos cu 15 scolarship.
Siguientemente a presenta Carlos Bislip Quinteto, cu ta consisti di Eduardo Maya, trompet;Ivan Quandus, bajo; Lidrick Solognier, drums; Denzil Tromp, conga y Carlos Bislip, vibes. Nan a presenta un repertorio hopi varia: entre otro un danza, “Night and Day; un cha cha cha,“Triste” , tambe un calypso, wals y un mambo.
Na final Carlos a anuncia cu dia prome di april e ta organisa: “ Gift of Resurrection Concert” na cas di Cultura na benefico di 2 fundacionFundacion Hoben Talento Musical Donny Laclé y Fundacion Ban uni man Pa cria nos muchanan.
Mas di esaki nos ta post otro siman riba e FB Page di Concierto Dominical
Despues a sigui e ultimo grupo: Erick Uchtmann y Wilberth Bejarano y su Vallenato. Erick no ta un desconoci den e Conciertonan Dominical. Ora e MC hay’e den un preta, ora por ehempel ultimo ora un grupo ta cay afo, Erick semper ta logra soluciona esey. Esaki ta loke a pasa e diadomingo aki tambe. Erick y Wilberth y su Vallenato a uni pa e ocasion aki.
Ademas di Wilberth y Erick e grupo ta consisti di 6 musico, tanto di Aruba, como di Colombia y Venezuela, tocando sinfonia di man, bajo, diferente tipo di percusion, drums. Nan a cuminsa toca un vallenato cu a pone e pianan kishiki. Tur bishitante ta mira.bek riba un otro dushi mainta cu hopi ambiente
For di awor caba comision organisador ta invita tur hende pa e siguiente concierto cu lo ta diadomingo 25 di maart venidero. Keda pendiente pa mas informacion y wak nos FB page
