Un comisario di Polis riba caya a pidi coleganan pa bin dune un man pa para un auto. E tabata core riba caminda grandi Green Corridor direccion pabou y a mira un pickup sin number.
Mesora a bay su tras y segun e pickup ta bin abou tabata avisa pa unidadnan bin para e auto. E tabata core cu velocidad poco halto tambe. E pickup mes a para banda di un funeraria riba Watty Vos Blvd. Eynan a atende cu e chauffeur. E no tabata tin documentonan di e auto hunto cune. E ta insisti cu e tin tur cos na ordo pa e auto. Polis a mustre cu e documentonan mester ta den e auto.
El a haya un scual y no ta descarta cu e multa tambe a cay. E caha di morto den e auto ta pasobra nan ta traha cu funeraria y tabata yegando e funeraria pa asina atende cu trabou. Algun tempo atras tambe chauffeur di un otro pickup a wordo atendi cu Polis anochi banda di Mahuma cu caha di morto den baki. E no ta normal cu ta mira cahanan di morto con cu ta den baki riba caya.
