Diabierna 17 di februari 2023, e muchanan di Colegio Laura Wernet-Paskel na Kadushi Largo pa di su 42 aña ta celebra Carnaval c’un parada conhuntamente cu participantenan di e otro scolnan di bario di Santa Cruz.
E parada lo sali 5:30pm for di parkeerplaats di Colegio Laura Wernet Paskel. E lo bira n’e crusada di Sero Compa y Kadushi Largo bay pariba, direccion Angochi y ta lora despues pa termina e parada riba e veld di Sportboys Club.
Colegio Laura Wernet-Paskel tin como tema e aña aki: ‘Piratanan di CLWP’.
Tur aña e muchanan di diferente scolnan di cuido, preparatorio y scolnan basico ta participa na nos parada di Carnaval.
E aña aki Sint Jan Kleuterschool, cu tema di Cadushi, Cacique Macuarima school, cu ta bin cu e tema di Indjan. Y aña ki un bes mas De Schakel tambe lo participa na nos parada, cu e tema di Payaso Contento. Colegio Laura Wernet-Paskel ta gradici e scolnan di awor caba cu tur aña ta yuda engrandece e parada aki
Un y tur ta keda cordialmente invita pa bin presencia e parada anual di e muchanan di Santa Cruz.
