Diabierna tabata Dia Internacional di Derechonan Humano, pa cual Colegio EPI a tene un exposicion relaciona cu e dia importante aki.
Anaika Flores, coordinator PR & Marketing pa Colegio EPI, a cuminsa na bias cu e Tabata mas bien un revision di e piesanan di arte di e studiantenan cu a participa na e proyecto di arte den cuadro di Dia di Derechonan Humano. Normalmente nan sa tin un carrousel unda cu diferente instancia of organisacion ta bin duna un presentacion, of un charla cu ta relaciona cu derecho humano.
Segun Flores, aña pasa, esaki no a tuma luga door di e restriccion di Covid-19 y e aña aki, director general di Colegio EPI, Ryan Maduro, a pensa pa bin cu algo diferente. Door di esaki a surgi e idea pa invita e studiantenan pa organisa nan mes di tal forma, cu pa cada unidad, cuater studiante lo produci un piesa di arte, cu lo expresa nan vision di kico ta nan derecho humano. E studiantenan aki tabata tin masha poco tempo (seis siman) pa traha e proyecto aki.
Pa un relato mas amplio, lesa TREMPAN di mañan.
