Consehero di Salud di Gobierno, Alba Vergés, a bisa cu ta imposibel duna autorisacion pa publico drenta Camp Nou pa mira e wega di La Liga entre Barcelona y Real Madrid. E wega lo tuma luga dia 24 proximo, pero tampoco p’e Liga di Campeonnan cu ta dia 20 contra Ferencvaros por tin publico. Tur esaki debi na e evolucion di pandemia na Cataluña.
E consehero a anuncia esey awe durante un entrevista na Catalunya Radio. FC Barcelona no a manda su propuesta di con lo hiba e votacion di mocion di censura pa su aprobacion na Departamento di Salud ni Procicat. Barcelona si a presenta na Generalitat, e protocol “Espacio limpi y Sigur” pa por tin publico na Camp Nou.
UEFA a duna autorisacion pa durante e encuentro di nan competencia pa tin te cu 30% di publico den stadion, pero cu condicion pa tin aprobacion di autoridadnan di salud local. E consehero a laga sa pa motibo di desaroyo di e pandemia no por autorisa na e momentonan aki pa Barcelona tin weganan cu publico riba tribuna.
