Diaranson anochi, despues di 9’or, un persona coriendo su bicicleta na altura di un supermercado riba e caminda di Tanki Leendert pa Playa, a accidenta y a cay abao. Aparentemente un kabel di brake mester a pasa den e wiel y asina pone perde balans. Pa su suerte, net e ora ey un patruya cu a yega cerca di e supermercado, a tuma nota di esaki y a baha check si tur cos tabata ok cu e ciclista.
Pa siguridad a yama presencia di ambulance tambe. Despues di un check up den e Ambulance, e ciclista a opta pa riba su propio forsa bay cas pa e mes tuma pildo contra dolor. Algun amigo di dje cu tabata presente a yude di pone su bais den bak’i pick-up y dune un lift pa su cas.