Pasco anochi pasa di 7or a sosode un accidente. Un homber sin rijbewijs coriendo un Celta shinishi a dal den un truck di parti ijs. E tabata riba Dominicanessestraat direccion pariba. Ora a yega na T-Weg cu Caya ing. Roland Lacle a coy un birada mucho grandi na man drechi. Segun un pasahero den e Celta ta e tire a rementa y pesey nan a bay mucho den e parti di direccion contrario.
Net e truck di Andin Ice tabata bay direccion Sero Blanco y e Celta a dal den dje. Net e accidente a sosode y Polis a pasa y ora a bay atende cu e accidente a realisa cu e chauffeur di e Celta ta mustra bebi.
A pidi coleganan pa trece dogcatcher y machine di supla. Ora a supla el a pasa 4X e limite maximo permiti pa ley. A detene mesora. E homber ta di nacionalidad Colombiano. E tin firma liber pero rijbewijs si e no tin. Awor el a keda cu e gastonan pa bay paga y ademas e resto di e oranan di pasco lo keda cera tambe.
