Den e epoca aki di aña, ta dificil pasa un dia sin scucha e cancion di Mariah Carey “All I Want for Christmas is You”, ya sea tocando den un tienda, den un taxi of riba bo lista di cancionnan di Pasco. Desde su debut na 1994, e cancion di Carey a converti den un cancion pop Navideño durante vakantie, hunto cu e pilarnan “Jingle Bell rock” y “Holly Jolly Christmas.” E cantante di pop aki ta ganando hopi placa cu su exito.
“All I Want For Christmas Is You” di Mariah Carey a yega number 1 pa prome biaha
E exito navideño ta e cancion di Pasco mas transmiti pa Spotify di tur tempo, cu mas di 602 miyon reproduccion solamente den e servicio di streaming aki so. “All I Want For Christmas is You” tambe tin mas di 605 miyon di view riba YouTube desde cu nan a upload’e riba e plataforma na aña 2009.
Y aunke cu e cancion ya ta existiendo pa 25 aña caba, el a yega e hit number 1 riba e Billboard Hot 100 list pa prome biaha e aña aki. E cancion ya caba a gana mas di 2 miyon di dollar den royalties desde cu e agreg’e pa prome biaha riba Spotifty, di acuerdo cu un estudio haci pa Broadband Deals, y cu e cantidad aki ta spera di crece rapidamente: Si e temporada di Pasco aki ta mescos cu e otro, e cancion di Carey ta calcula di trece den caha mas of menos $600 mil entre November 2019 y e Pasco aki, segun Broadband Deals.
Si puntra pa e royatliesnan di e cancion, Spotify no a duna ningun comentario riba dje. E cantante a gana mas di 60 miyon di dollars den royalties di e cancion, di acuerdo na un calculacion haci pa The Economist na 2016.
Siguiendo e hit di Carey, e cancionnan di Pasco cu mas a stream riba Spotify, ta inclui “Las Christmas” di Wham!, “Santa Tell Me” di Ariana Grande, “It’s Beginning To Look A Lot Like Christmas” di Michael Buble y “Mistle Toe” di Justin Bieber.
Ora ta trata di Spotify, “Last Christmas” a gana mas of menos $1.5 miyon na streaming royalties, e cancion di Grande a trece mas of menos 1.1 miyon di dollar, e cancion di Buble a rank den mas of menos 1 miyon y e cancion di Bieber a trece mas of menos 950 mil dollar. E cantidad aki ta conta pa e placa total gana desde cu e cancionnan a wordo uploaded na e servicio di streaming.
E cancion di Carey tin un bida propio atrabes di e añanan. Amazon ta haciendo un mini-documentario riba esaki, cu nan a yama “Mariah Carey is Christmas!” E documentario ta bay bek den con e cancion di Carey a bira un hit gigantesco y ta spera di haci su premiere riba Amazon mas durante e luna aki.
