Dos persona tabata herida pero a nenga yudansa medico. Esey ta den un accidente cu a sosode na altura di Digicel Tanki Leendert den oranan di marduga. Polis a bay na e sitio pa atende cu e accidente. Na yegada tabata un auto y un pickup. Un di e vehiculonan a subi caminda di Tanki Leendert y e otro tabata biniendo cu velocidad poco halto. A dal tras di e pickup.
E daño material tabata basta. Ni maske Polis a puntra dos biaha si mester di yudansa medico, e dos personanan a nenga. Polis a atende e situacion na e sitio y djey a pidi tambe pa takelwagen pa hala e auto mas kibra for di caminda. E daño material ta core den miles di florin.
