Un unidad di polis cu tabata riba caya a topa un chauffeur coriendo den un forma straño. A zona e sirena pa stop e auto. Ora a bay atende cu e chauffeur, a resulta cu e no tabatin rijbewijs.
Ademas e no tabatin documento pa mustra autoridad cu e ta legal na Aruba. A deten’e y hib’e ward’i polis. E auto ta di otro hende. Probablemente e ta huur pa e move riba caya. E mes a contact e doño pa pasa busca e auto y bay cu ne prome cu polis a transport’e pa ward’i polis pa mas interogacion.
