Pueblo mes tin cu huzga si maneho di gobierno ta afecta nan of no

Den declaracion haci diamars mainta, mr. drs. Ryçond Santos Do Nascimento a indica cu Hulanda ta riba un trayectoria pa termino largo den e direccion di gobernacion y cu mester tene na cuenta cu Hulanda su interes ta diferente cu e interesnan interno di Aruba. Hulanda su interes ta pa nos finansas publico ta na ordo y pa nos no percura pa mas dolor di cabes financiero den futuro. Den e cuadro ey, ta bistie un bachi cu ta hacie pa pueblo, etc.

“That’s fine. Pero p’esey, ora cu bo ta scucha politico ta bisa salba el pueblo, ta pasobra ta nos cu ta den e situacion; nos cu ta biba e situacion di Aruba; nos cu tin skin in the game; nos sa kico impacto ta riba nos mesun cartera, kico ta impacto riba nos mesun bida aki na Aruba,” asina e parlamentario a expresa.

Santos Do Nascimento a splica su tras cu ora bo ta wak cu a bin cu un menasa di un aanwijzing, anto esaki a pone gobierno dobla entregando un zienswijze cu Hulanda a rechasa. “Y Minister Evelyn Wever Croes  por bisa kico cu e kier, Xiomara a bin den parlamento anto haci como sifuera ta un gran zienswijze.”

Pa e relato completo, lesa edicion di TREMPAN