Awe nochi pa mas o menos 7:00pm a sosode un accidente na e crusada cu ta conecta Sero Pita, Ayo y Tamarijn. Un auto SUV marca Audi no a tene cuenta cu e crusada y como tal a ranca dos borchi di trafico y a bay dal den un pal’i luz. E chauffeur no a resulta herida, pero como cu e tabata burachi, a deten’e mesora na e sitio.
NV Elmar a presenta pa regla asunto di kabelnan di e palo di luz cu tabata colga te abou. E daño material na e auto y e palo di luz ta considerabel. Lo keda na e compania di seguro awo pa cubri e gastonan y mira si e ta cobra e chauffeur completamente bek of parcialmente. Ultimo tempo, agencianan di seguro no ta cubri dañonan haci den accidente si e chauffeur tabata burachi. Ta sali for di e punto di bista cu esey ta un risico calcula, cu e chauffeur mes a busca dor di stuur auto bou influencia di alcohol.
