Awe tardi pa 6:30pm a activa varios unidad di polis pa interveni den un problema di famia den Cayenastraat na San Nicolaas. Parce cu tur cos a start na discusion pero cu na caminda e discusion a bira cayente y bira agresion fisico, den cual esun a cuminsa tira sla riba e otro. Den e proceso un homber a resulta herida na e sitio.
Polis a papia cu ambos partido pa calma e tension den Cayenastraat y pa restablece paz atrobe. Ambos a compronde cu si sigui bringa, cu tur hende lo bay cera.
A pidi presencia di un ambulance pa motibo cu e homber no tabata reacciona. A transport’e pa Hospital pa ricibi tratamento medico avansa. No ta prome biaha cu discusionnan ta bay for di man den e famia aki, cu ta biba den Cayenastraat na San Nicolaas.
