Net Algo prome cu 8or di anochi diasabra sosode un accidente banda di Chalo Burger na Tanki Leendert y despues a caba na bringamento. A despacha patruya di Playa na e sitio y ora patruya di Playa a yega na e sitio, un di e partidonan a move for di e sitio. Un poco mas panort e patruya a para e dicho pickup Nissan doble cabina color shinishi numera A-58186. Ora polis a bay para e auto, e dos hombernan a baha for di e auto y a bisa cu nan no a haci nada. A manda pidi patruya di trafico pa asina investiga con e accidente a pasa. Ora trafico a yega a bay chek riba e pickup pa wak si e pickup tabata envolvi den e accidente dilanti Chalo Burger. A bin haya e marca riba e auto cu a ocasiona e accidente. Polis a pone e manehador supla y a pasa e limite. El a keda deteni. A manda pidi dogcatcher pa asina transporta e homber pa warda di Shaba.
