Un accidente basta serio a tuma luga riba caminda di Santa Cruz ora un auto a bolter y bay pega den mondi. Tin di bisa cu e chauffeur a scapa y keda ileso despues di e accidente aki cu por a resulta den algo hopi grave.
Un poco prome cu 12:00 am riba caminda principal pa Santa Cruz, net dilanti Maiky’s a tuma luga un accidente cu hopi daño material. Un Toyota blanco bayendo direccion Playa , pa un motibo of otro a perde control di e vehiculo den e birada. E auto a baha caminda cu velocidad halto, pasa dilanti e entrada di Maiky’s, dal e pida muraya kibra, tumba e cura abou y drenta e pida mondi. E auto a bolter completo y para bek riba su cuater taira despues di e impacto.
Afortunadamente e chauffeur no a resulta herida. A tuma datos na sitio y pidi presencia di takelwagen pa saca e vehiculo for di e mondi caminda el a bay para.
