Polis a presenta cu urgencia na veld Crismo Angela na Santa Cruz pa un disturbio formal entre dos team rival riba veld di baseball. Partiment’i sla a tuma luga y lastimamente e unico cu ta sali perde den un situacion asina aki ta e deporte.
Patruyanan a presenta den careda di 10:00 pm y rondona tur banda. Segun informe na sitio a bin compronde cu tabata tin un wega andando y caminda a surgi un discucion formal cu a escala te na agresion.
A yega rapidamente pa separa ambos partido for di otro cu tabata den bringamento feroz cu otro. Testigonan a duna di conoce cu no ta prome biaha, esaki regularmente ta tuma luga na momento cu e dicho team envolvi ta forma parti di e wega. Ta di lamenta cu publico, principalmente hoben presente tin cu presencia e acto bochornosonan aki.
Wega a caba eynan mes, a pidi tur hende pa bandona sitio y mirando e aglomeracion den parkinglot, polis a keda na sitio pa asina sigura cu tur hende ta move bay sin mas problema.
