Diasabra, pa mas of menos 5:15 di marduga, a drenta informacion di un persona cu lo tabata pasando den Luxemburgstraat, cu a wordo pidi pa para pa un hende cu tabata zwaai man memey di caminda.
Na e mesun momento el a mira un otro hende ta sali for di mondi y tambe a purba di para e chauffeur. E no a confia e asunto mucho, por ta tabata trata di personanan cu lo kier a atrak’e, of simplemente hendenan cu lo a accidenta den mondi.
Pa mas sigur a avisa polis, pa nan bay check un ke otro. Na yegada di polis, a nota un auto cu tabata wordo lastra cu un kabel. Polis a para nan, a controla y a detene e chauffeur di e Nissan March. No ta conoci pakico a bay cun’e. A hala e auto for di caminda pa asina e no stroba.
