Awe merdia pa 12:45pm a sosode un accidente na altura di Wayaca Falls Mall na Wayaca. Un chauffeur femenino den un Toyota Vitz (RHD) coriendo riba e caminda di santo banda di Green Corridor banda di e post di Ambulance a perde control den e bocht di santo. Den e proceso, e auto a bay dal den un tubo y cay den rooi.
E auto a haya sla patras banda di pasahero. E chauffeur mes no a resulta herida, danki Dios. Asina mes e unidad di Rapid Responder di IMSan a presenta na sitio pa controla e dama y despues di un revision medico a constata cu e tabata bon.
