Poco pabou di Hua Run riba Caya Ernesto Petronea un peaton a bira victima di un hit and run. E chauffeur lo a bay pa lora subi caminda grandi no a wak peaton cu tabata crusa caminda. E homber di edad grandi a keda benta na vloer ta keha di dolor. Segun testigo e chauffuer cu a dal peaton a baha for di su auto wak si e victima ta na tino. E chauffeur a wak cu e victima tabata bon a pidi algun mirones pa yama Ambulance. Pa un motibo of otro e chauffeur no a keda na e sitio y coy su caminda pa cas na Seneblar. Polis a cera e caminda pa Ambulans por a atende cu e herido. Famia di e victima a yega na e sitio ta teme lo peor, e herido tabata na tino y por a lanta riba su mesun forsa.
