Diaranson, riba Dia di Rey, Centro di Bario Playa Pabao no por keda atras. Nan tin un competencia di fli cu ta tumando luga for di mainta trempan te cu atardi laat.
Tin competencia di diferente categoria. Entre otro di fli entre 10 cu 50 cm, pa categoria A. Categoria B ta fli entre 51 cm y 1 meter. Y por ultimo Categoria C entre 101 cm y 200 cm. For di trempan caba tur esunnan cu kier a participa por a inscribi. Fuera di e competencia, nan tin un bar y cushina bon surti.
Segun presidente di e Centro di Bario Dennis Burke, a splica cu despues di tres aña porfin esunnan cu gusta traha fli, tabatin e oportunidad pa bin pusta na Centro di Bario Playa Pabao.
Segun Burke, tabata sorprendente e cantidad di hende cu a bin presencia e pustament’i fli. Hende di tur bario a presenta n’e centro p’asina competi den e competencia. E ta un exito rotundo, el a indica. Pa mayor cobertura lesa TREMPAN.
