E representantenan di varios organisacion di medio di comunicacion di Sint Maarten a presenta diamars un carta n’e Prome Minister Silveria Jacobs, oponiendo n’e aspectonan di e maneho di acreditacion di e medionan di gobierno y pidiendo un reunion cu Conseho di Minister y e Departamento di Comunicacion (DComm) rib’e asunto aki, den un plaso di cinco siman. Esaki segun un articulo publica riba The Daily Herald di Sint Maarten..
E reunion tin e obhetivo pa discuti e puntonan conflictivo di e maneho, manda n’e medionan di comunicacion riba diamars, 12 di april y cu e gobierno kier aplica na principio di mei. N’e profesionalnan di e medionan di comunicacion, a duna nan un plaso di dos siman pa nan duna nan consentimento n’e contenido di e maneho of lo kita nan pass (entrada).
E profesionalnan di e medionan di comunicacion, firmante di e carta conhunto, tambe a pidi pa pospone e aplicacion di e eventual maneho pa un periodo sugeri di cuater luna y a nenga di firma e formularionan di consentimento den e plaso.
Den e carta, e profesionalnan di e medionan di comunicacion a bisa cu nan ta opone totalmente na un serie di punto describi den e maneho, na cual nan a referi como un “maneho nobo”, ya cu esun elabora na 2017, nunca a difundi entre e medionan di comunicacion.
Pa mayor cobertura lesa TREMPAN.
