Royal Aruba Aloe un biaha mas ta duna tur hende un cordial bon bini na su celebracion “Aruba Nos Orguyo”. Ariba 18 di maart 2023, tur bishitante di e evento aki por disfruta di un variedad amplio di actividad, musica en bibo, cuminda crioyo y hopi mas na nan localidad na Hato, entre 9:00am y 5:00pm. Tambe lo por gosa di nan grandioso promocion di dollar pa florin den TUR nan tiendanan y online ariba www.arubaaloe.aw.
Como cu Royal Aruba Aloe su historia ta mara na e economia y cultura di nos pais, pa nan, dia di Himno y Bandera ta un dia festivo hopi importante. E dia aki nos tur ta celebra locual ta haci nos, como Rubiano, unico y special, y Royal Aruba Aloe ta contribui na esaki cu nan evento di “Aruba nos Orguyo”. E fiesta aki no lo tuma luga na Hato so. Durante henter e dia tur hende cu bishita cualkier tienda di Royal Aruba Aloe na Aruba lo por haci uzo di nan promocion di $=AWG. Asina un y tur por cumpra nan productonan faborito, gosando di e tremendo descuento aki.
Na Royal Aruba Aloe na Hato, por tuma un tour gratis di nan fabrica y museo, gosa di un show di baile di cinta (10:30 am) y tremendo ambiente musical di e bandanan Sodo y Cuero (9:30am – 11:30am), Rincon Boyz (12:00pm – 2:00pm) y Tsunami (2:30pm – 4:30pm). Pa e muchanan lo tin actividad manera trahamento di slijm di Aloe, variedad di wega, diferente dino jump, y mas! Ariba e dia aki tur bishitante lo por purba un dushi batido di Aloe, disfruta di cumindanan tipico di Aruba, bolo y cos dushi. Pa mas informacion lo por click aki: bit.ly/arubanosorguyo
No perde e oportunidad. Cera bo grupo di amigo y famia, bishita Royal Aruba Aloe ariba dia di Himno y Bandera y celebra Aruba nos Orguyo!
Royal Aruba Aloe, cual a wordo estableci na 1890, ta un di e companianan mas bieu di Aloe na mundo y un di esunnan mas bieu aki na Aruba. E compania tambe ta e prome den e parti Caribense Hulandes, pafo di Hulanda, cu a ricibi un decreto Real. Na e momento aki Royal Aruba Aloe tin 17 tienda y un webshop www.arubaaloe.aw aki na Aruba, y su productonan ta obtenibel pa wordo cumpra ariba www.arubaaloe.com (Merca & Canada) y na www.arubaaloe.nl (Europa).
