Coronavirus, CEDE Aruba y e team di ARUBA DOETa ta conseha tur organisacion y boluntario pa postpone nan actividad di ARUBA DOET. CEDE Aruba no ta haya responsabel pa laga e actividadnan tuma lugar na e momento aki. “Cu dolor den nos curazon” nos ta duna e conseho aki. ARUBA DOET ta un evento pa conecta comunidad, pero e no ta mas importante cu nos salud.
Nos ta enfatisa cu tur proyecto ta wordo posponi, nan no mester wordo cancela. Nos no ta kere cu ta bai tin un fecha nacional atrobe, pero cada organisacion por dicidi ariba un fecha nobo ora e situacion ta trankil. Nos lo informa boso di esaki mas concreto ainda. Si tin organisacion cu proyectonan chikito cu ta haye responsabel pa bai dor, nos no ta prohibit esaki.
Pero e ta importante pa evita cu gruponan di riesgo pa Coronavirus ta participa. Importante: CEDE Aruba y e team di ARUBA DOET ta pidi cada organisacion pa tuma contacto cu nan boluntarionan via telefon, mail, whatsapp of facebook, pa informa nan manera debe ser. Nos ta conseha boso pa palabra cu ariba un otro momento, boso lo por tuma contacto cu nan pa organisa e proyecto ainda.
