Blanken Ship, ta director ehecutivo di Cas Speransa Nobo y tambe e ta cu Global Team Challenge. E ta splica di tur e trabaonan cu nan ta haciendo for di e prome dia cu Cas Speransa Nobo a habri su portanan. Ship y su casa a bin na Mei pa cuminsa cu e programa residencial di Cas Speransa Nobo pa hende hombernan cu ta adicto na droga y/of na alcohol. E ta un programa di 12 luna a base di fe, pa asina nan por cambia nan bida pa por sali for di adiccion. Pa nan haya speransa. E Outreach ta pa trece speransa pa e hende hombernan cu ta den e situacion cu nan ta aden. Esnan cu ta sin cas, sin ningun ingreso, algun ta un biaha pa siman nan ta come. Tin un team di 8 persona cu ta na Aruba pa e fin di siman aki pa duna un man y nan tabata den Rancho pa papia cu e hombernan cu kier bin den e programa. Pa identifica nan y sacanan for di caya y pone nan den nan facilidad na Alto Vista y pone nan riba e caminda di recuperacion y restauracion, restorando nan bida, restorando nan relacion cu nan famia y yuda nan pa nan bira un miembro productivo di sociedad. Tambe yuda nan mehora henter e situacion aki na Aruba.
Con facil pa convence
Segun Ship, no ta pa con ta convence nan. Nan tin mester ta riba un punto cu nan ta cla y e deseo pa cambia nan bida. Actualmente tin tres studiante den e programa ya pa 2 pa 3 luna y dos di nan ta di Aruba. Nan tin un deseo fuerte pa cambia nan bida y esey ta tur. No por convence nan pa haci’e. Por convence pa bin Alto Vista, pero nan no ta keda. Nan mester ta cla pa e reto pa haci esaki.
Y despues di 12 luna kico
Parti di e programa, e ultimo 3 lunanan, pa yuda cu e proceso di transicion. Yuda nan haya trabao, pa asina e ultimo 3 lunanan, nan lo ta trahando na un trabao, den un comunidad, ganando un salario y spaar y pa manera cu e caba, na luga di bay bek riba caya, e por haya su propio luga di bida y lo tin un trabao pa e por paga su cuentanan. Cas Speransa Nobo lo keda den contacto cu nan. Despues di 3 luna cu e caba cu e programa, un biaha pa siman e mester tene contacto pa asina sigui haya sosten, haya counseling. Nan lo sigui traha cu e doño di trabao pa sosten’e y pa percura pa e logra cu e trabao. Lo lig’e na e famia di iglesia y tambe pone un mentor disponibel, un hende cu por para hunto cun’e a base diario, cual ta necesario. Construi e sistema di sosten, pa e no faya. Tambe traha cu e famianan, si esey tin, pa traha di cerca cu nan.
Tambe nos a combersa cu Jeff Howard for di Memphis, Tennessee, cu tambe ta na Aruba dunando un man. El a bishita varios luga. E ta conta di su experiencia. El a comenta cu nan tin un team di 8 persona cu ta yuda sr. Ship y su casa. Nan ta parti di Team Challenge Memphis y tin 8 persona cun’e cu a sobrepasa nan adiccion di droga. Nan tey pa duna bek y pa parti di e ministerio. Nan ta studiante tin mas of menos 1 aña caba. Nan kier encurasha cu tin speransa. Tin speransa atrabes di Team Challenge y atrabes di e poder di gospel. Nan a haya un bon experiencia na Aruba. Tur hende ta caluroso y e tabata simplemente encurashador pa mira e trabao cu ta andando. E Outreach akinan ta cambiando bida y e ministerio ta duna e adictonan un oportunidad y duna speransa unda cu no tabata tin.
Howard a splica cu tin speransa y por bisa esey henter dia. Pero pa e studiantenan aki na Aruba, hende muhe y homber cu ta den e Outreach, pa scucha cu “mi tabata tey y mi sa e lucha”. E grupo por a bay KIA y comparti nan experiencia. Tambe nan a bay scol y comparti nan experiencia tambe. Pa por ta capas pa mustra riba e peliger con bida por bay y con pa sali for di dje, ta duna speransa na hopi hende.
Prizon
Den e area di prizon por bisa cu no ta mucho laat. Hasta cu por a cay den problema, ainda tin un chens pa bolter cos. A laga nan sa cu tin un punto caminda cu nan por tuma un decision pa haci un cambio y bay na e caminda corecto. Esey ta loke pareha Ship y Team Challenge Aruba ta haciendo, pa duna nan un chens pa cuminsa di nobo.
