Dialuna a tuma luga un graduacion di Capoeira, yama Capoeira Batisado di 2023, unda cu e alumnonan a haya pa prome biaha nan graduacion y tin di nan cu ta bay cambia nan graduacion di Capoeira.
Segun De Almeida Barbosa, Capoeira ta un lucha disfrasa den baile, crea p’e esclavonan cu tabata na Brasil, tempo cu e Portuguesnan a bin Brasil. Door cu nan no tabata contento cu e bida di sclavitud a busca un manera pa nan por train y bringa pa nan por haya nan libertad.
E ora nan mester a hinca musica p’e shonnan kere cu nan ta djis baila, pero tabata uza e cancionnan djis pa disimula loke nan tabata haci, cual ta train un arte marcial.
Den e grupo cu yama Capoeira Nova Visão Aruba, pa loke ta graduacion ta bay basa riba e colo di e bandera di Brasil. E muchanan cu ta bao di 13 aña lo haya un di e colonan fuera shinishi pa mustra cu nan ta bao di 13 aña.
Prome ta bira un faha shinishi su so, despues shinishi berde, despues nan ta hisa pa shinishi geel, despues shinishi blauw, despues blauw, berde, blauw, geel, shinishi y despues tur e colonan cu ta di e bandera di Brasil, cual ta Blauw, berde, geel y shinishi. E ora nan ta bira un graduado halto, pero bao di 13 aña.
Ora nan ta riba 13 aña, e ta bira mesun cos, pero sin e shinishi. Na momento cu nan tin tur e colonan di e bandera di Brasil, esey ta nifica mescos cu un blackbelt den e otro arte marcial. Por cierto tabatin un di e alumnonan cu a haya e faha aki.
Pa mas detaye lesa TREMPAN.
