Awe rond di 4’or di atardi diferente unidad di cuerpo policial a mobilisa pa un adres den Tarabana, specificamente den Sint Vincentweg unda cu a tira un inval.
Un team special a drenta e cas aki den Sint Vincentweg, unda cu a bin descubri varios mata di marihuana den e area patras di e cas. Esaki ta na e banda unda cu tin diferente apartamento. Na e sitio aki a confisca materialnan cu ta uza den cultivo di mata, den e caso aki di marihuana, manera spraynan special, gordura, luznan pa e matanan crece mas lihe, pero tambe otro artefactonan den e produccion di e marihuana mes.
E inval ta den e mesun un caya unda cu algun siman pasa tabatin un atraco, caminda cu a mara e victimanan pa despues huy den un auto cu a haya banda di un hotel. A bay cu un pick-up yen di material.
