Diadomingo atardi alrededor di 3:30 pm polis y brandweer a presenta den e area di Royal Plaza p’un candela di mondi. E candela a cuminsa chikito y pocopoco a expande. E candela tabata menasa varios edificio den e area, entre otro un joyeria. Na yegada di brandweer, a paga e candela mesora.
Den e pida mondi, tabatin un boter di gas cu tabata forma un peliger pa e area. Polis a cera un band’i caminda p’asina e bomberonan por atende libremente cu e candela. Ta sospecha cu ta un adicto ambulante a cende e candela, pues intencionalmente cendi.