Dialuna mainta Polisnan y Bomberonan a bay cu urgencia pa Barcadera. A drenta informacion cu EcoTech ta na candela. Unidadnan di bomber cu a yega a confirma cu e candela no ta na EcoTech.
E candela tabata na e mondi tegenover di EcoTech. E miedo tabata cu e candela ta expande y asina yega Arugas. Polisnan a cuminsa prepara pa desvia e trafico pa seguridad necesario.
Finalmente bomberonan a logra domina e candela y asina tur e susto a pasa. Aunke e prome yamadanan tabata mustra yamadanan pa panico, tog e situacion a wordo controla sin ningun incidente pa cu EcoTech y Arugas.
