Poco despues di 5:00 pm a registra un candela considerabel den e refineria Cardon, parti di e compleho refinador Paraguana (CRP). For di varios punto di e ciudad por wak un nubia grandi di huma preto. Esaki ta un noticia den desaroyo.
Loke ta conoci caba ta cu e candela ta ubica na un pool di desperdicio (afval). Bomberonan di CRP ta trahando pa combati e vlamnan. Te na momento di e reportahe aki, PDVSA no a duna un informacion oficial di e sucedido. E refineria di Cardon ta rondona pa diferente bario basta pobla manera Maravan, Puerta Maraven y Punta Cardon.
