Diabierna atardi un biaha mas a wordo manda den e area di Sero Janchi y Montaña y esey ta pa motibo cu e candela cu diahuebs anochi a ilumina e area cu su vlamnan grandi, no a wordo paga totalmente.
Durante oranan di atardi bombero mester a bay atrobe eynan pasobra e candela a bolbe bira grandi y bomberonan mester a bay den accion. A bin cu un unidad y a logra domina esaki. Personal di City Inspector cu tambe tabata eybanda cu a haya holo di e candela y despues a bay na e sitio. Nan tabata atende cu e autonan bieu den vecindario y dado momento mester a desvia pa bay wak kico tabata pasando y a bati alarma. Situacion manera esakinan ta keda causa molester pa motibo cu hendenan ta cende candela di dumpnan ilegal y mondi y e molester di huma ta bira un situacion insoportabel.
