Durante dia polis tabata tin mannan yen cu un pareha turista cu tabata horta den varios negoshi den Renaissance Mall. A gara nan y deteni den oranan di atardi.
Ta trata aki di un pareha Venezolano. Nan a horta den varios negoshi y na momento cu a detene nan a yama Recherche cu a cuminsa cu interogacion. E pareha a yega Aruba diahuebs y diabierna ban tabata meti den un racha di ladronicia. Mientras cu un ta kita atencion di trahado, e otro tabata yena tas cu paña.
Nan a bay den Ralph Lauren y mas pacus den Renaissance. A señala nan y finalmente den oranan di atardi, polis a pone man riba nan. Awo nan tin duna cuenta. Chens ta grandi cu nan ta keda cera tambe. A haya riba nan, na momento cu a controla nan na warda, nan a haya mas cos horta cu a keda denuncia mas tempran.