E habitantenan di e bario di Rooi Afo, cu ta cay den districto di Paradera, ta haci uzo di e plataforma aki, esta 24ora.com y TREMPAN, p’asina pidi DOW pa por fabor pasa y controla. Tin hopi buraco e ultimo temponan aki. Nan ta expresa: “Nos ta paga hopi placa pa core riba caminda y nos ta haya resultado malo, cu nos no ta merece.”
Dia 12 di januari, un di e habitantenan a manda DOW un keho riba nan formulario cu ta riba nan website y no a haya un contesta. Despues a manda nan un e-mail personal di recordatorio y aki tampoco no a haya contesta riba dje, cual ta algo inaceptabel.
E habitantenan di e bario di Rooi Afo ta preocupa y ta urgi DOW pa pasa y controla pap or tapa dos caminda di e bario, pa por basha asfalt riba e caminda na man drechi y e otro caminda di tera, man drechi pa por tapa e buraco ey cu tera.
Tambe e habitantenan a yega di manda un peticion na minister mas di 13 aña pasa pa asfalta full e caminda di tera cual t’e unico den e bario di Rooi Afo, pero te ainda nada. Nan a opta pa no duna oido y busca un solucion. A yega tempo pa DOW cuminsa actua y yuda e habitantenan p’e aña 2023.
Si no mester bay cu plan B, cual lo mester ta manda un carta personal of e-mail minister di infrastructura, p’e mes bin mira y busca un solucion p’e habitantenan pasobra no por sigui core riba un caminda den mal estado.
