Polis a cuminsa cu un buskeda den area di San Fuego pa un sospechoso cu a drenta mondi. Tin di haber cu un caso di ladroncia cu a tuma luga na un cas na Warawara. Diferente unidad di polis di districto di Santa Cruz a drenta den accion na momento cu un conoci di polis a sali na careda.
Un cuidadano biba na un cas na Warawara a pidi presencia di polis pa yudansa relaciona cu ladronicia cu a tuma luga na su cas. Por a compronde cu e cuidadano aki a duna descripcion di e sospechoso. E sospechoso aki, Jean Pierre C, cu ta un conoci di polis y durante control den area di San Fuego a tuma nota di polis cu a pon’e ranca sali drenta mondi.
E sospechoso aki tabata cuadra cu e descripcion duna. A cuminsa un buskeda basta grandi den e area for di band’i mondi y otro banda pero no a logra detene e persona aki.
E tabata scondi den e mondi, tabata capt’e for di un distancia pero no por a logra su detention. Informacion adicional na sitio a indica cu e persona a logra recupera pertenencia horta. Autoridad ta sigui atento pa su detencion mas despues durante dia.
