Ciudadano atento a evita un desgracia na momento cu un pyroman a cende un pida mondi na candela den Lago Heights Park. A bati alarma mesora na autoridad.
Esaki a tuma luga aproximadamente 3:00 pm na momento cu a haya holo fuerte di candela. A tuma nota cu un pida mondi cu tabata na candela y esaki net cerca di su cura di cas. Brandweer a presenta rapidamente pa paga e candela.
Bisiñanan mes tambe a pasa man pa slang y muga e parti di nan cura caminda e candela tabata menasa di bira grandi. Un rato despues brandweer a domina e candela.
Tin di menciona cu tin imagen di e persona cu a comete dicho acto. Bisiña den cercania a capta esaki riba camara di siguridad y comparti esaki cu 24ora.com, pa asina publica y pidi comunidad yuda reconoce e pyroman aki cu ta causando destruccion y trece peliger den bario.
Si tin cualkier persona ta reconoce e persona aki, tuma contacto mesora cu polis.
