Dia 27 di juni Bureau MFA ta presenta pa prome biaha su Short Film Night. Durante e anochi aki lo pasa cinco short film produci pa nos propio arubianonan.
Lo pasa entre otro: Like and Share; Mama ta keda Mama; E Berguensa; Awa Brak; y Sin Rastro. E Short Film Night lo tuma luga na MFA Noord cuminsando for di 7.00 pm pa 9.00 pm.
Bureau MFA kier a extende un invitacion cordial na pueblo di Aruba pa forma parti di e anochi aki y bin disfruta di nos produccionnan local. Entrada ta completamente gratis. Pa mas informacion yama MFA Noord 281-0001.
Mision di Bureau MFA ta pa ofrece diferente servicio sea publico of priva mas efectivo y mas serca di cas y tambe promove y facilita e participacion y interaccion social y cultural di e ciudadanonan den comunidad sea cu actividadnan educativo, recreativo y social/cultural pa tur edad.
