Diasabra ultimo a duna inicio na e campeonato Latino Americano di Junior League Baseball cu ta tumando luga aki na Aruba e dianan7 pa 15 di Juli den stadion di NadiCroes/Crimo Angela na Santa Cruz.
E campeonato conoci como e Junior League Latin American Series ta un evento internacional cu ta tuma luga un siman pa aña, den cual e miho ekiponan di baseball den e edad di 13 y 14 añacu tabini for di e islananCaribense y di paisnan Latino Americata topa otro. E paisnan participante na e campeonato Latino Americano tumando luga riba nos isla ta Panama, El Salvador, Corsou, Republica Dominicana, Venezuela, Puerto Rico hunto cu Aruba 1 y Aruba 2. Nos dushi isla di Aruba tin dos equipo participando den e campeonato aki, y den pasadonos a yega di gana e serie aki na mas cu un ocasion. E ceremonia di inauguración diasabra tabata grandi cu a inicia cu un bunita desfile di tur e ekiponan bisitando nos isla for di exterior combina cu un baile di cada pais participante.
No por laga afor di bunita show di baile cu henter e atardi pa anochia entretene esnan presente. Despues cu a toka e himnonan di tur país participante, e conocido trompetista di Aruba, Sr. Nelson Tromp a toka e tonoglorioso Aruba Dushi Tera. DA di Aruba Little League, Sr. Rhudy Donata, hunto cu Minister di Deporte, Sr. Dangui Oduber a hiba palabra mientras a mustra nan satisfaccion cu Aruba por host un evento di caliber manera e campeonato Latino Americano di baseball Junior League. Mas cu claro a desea tur equipo hopi exito. Mesterbisa cu e Presidente di Little League Latino America, Sr. Carlos Pagan tambe a bini Aruba specialmente pa e campeonatoaki. Por ultimo a honra umpire Obry Maduro cu un bunita plakaat pa tur suanjanan di dedicacionna e deporte di baseball Little League.
Stichting Sportsubsidie Aruba y Lotto ta masha contento di por a yudasubisdia e baseball hubenil internacional Latino Americano di Junior League na Aruba. Esaki sin duda ta un bon momento pa “brand” e bon nomber di nos dushi isla cerca nos bishitantenan di exterior y alabes contribui grandemente na e deporte di baseball unda semper nos a resalta.
Un palabra di pabienna e ComisionOrganisador cu a trahaincansablementeparealisa e baseball Latino Americano di Junior League na Aruba.
