Home » Bululu den Corte: Chania Fernandes-Pedra a bolbe pidi pa ‘wraak’ e hues

Bululu den Corte: Chania Fernandes-Pedra a bolbe pidi pa ‘wraak’ e hues

by Daniela

E tratamento di e caso penal contra Chania Fernandes Pedra, di 25 aña, a keda interumpi diaranson 18 di november, despues cu pa di dos biaha a pidi pa “wraak” e mesun hues atrobe for di su caso. Durante e pausa, e tension a sigui pafo di sala, unda e dos partidonan a topa otro y a cuminsa grita. A separa nan den dos camber pa calma e situacion.

Peticion pa pospone e caso atrobe

Fernandes Pedra, kende ta enfrenta cinco acusacion, a pidi pa pospone e caso. El a bisa cu e tin derecho riba un abogado. Ora e hues a puntr’e si e tabatin mas documento pa entrega, el a contesta cu no. Tambe el a indica cu, si e caso sigui, e lo haci uzo di su derecho di keda keto, conoci como zwijgrecht.

Ora e hues a dicidi pa sigui cu e audiencia, Fernandes Pedra a bisa: “Mi ta wraak bo.” Cu esey el a presenta un wrakingsverzoek, un peticion pa aparta e hues cu ta atendiendo su caso. E hues a pidie pa splica su motibo y Fernandes Pedra a lesa di un papel cu e tabatin cu ne. E hues a interumpi tratamento di e caso pa un consulta. Ora el a bolbe, el a anuncia cu e wrakingskamer, e corte encarga cu atende e peticion, lo reuni dentro di mey ora. A suspende e caso temporalmente y tur presente a sali di sala.

Gritamento despues cu famianan a topa abou

Durante e pausa, e dos partidonan a topa otro abou den edificio di Corte. A intercambia palabra y un persona a grita: “Topa mi pafo.” Un muhe y un homber a cuminsa grita y acerca otro. Consecuentemente e personal di Cuerpo Especial Arubano (CEA) a hinca e dos famianan den camber diferente pa calma e situacion.

E wrakingskamer tabata programa pa sinta pa 3:30 di atardi. Pero pa 3:55pm, ainda no a cuminsa atende e peticion di e acusado. Hues a laga sa cu su intencion ta pa sigui cu tratamento di e caso awe mes ainda.

Bo por gusta tambe

Adblock Detected

Please support us by disabling your AdBlocker extension from your browsers for our website.