Bukinan di Telefon 2019 reparti pa tur cliente 60+ di SETAR

Diasabra awo e Buki di Telefon 2019 ta keda reparti pa tur cliente 60+ di SETAR. Post Aruba NV ta haci entrega di e bukinan di telefon via adres. SETAR ta informa cu tur otro cliente por pasa busca esaki na cualkier Teleshop of SETAR Store.

Buki telefon ta consisti di paginanan Prologo, paginanan Blanco, paginanan pa Comunidad y
paginanan Geel. Den e paginanan pa Comunidad por haña e codigonan international, informacion di departamentonan di gobierno, informacion di fundacionan, e schedule di Arubus, Precaucion y Tipnan pa temporada di Horcan, Proverbio, Dicho y Expresion na Papiamento y un seccion special di guia pa turista.

Riba e potret por mira e portada di e buki di Telefon 2019 cu e tema di e aña aki: Carnaval 65. Esaki en conexion cu e celebracion di e 65 lustro di Carnaval na Aruba. SETAR como un patrocinador grandi di Aruba su carnaval ta sigi aporta di e manera aki na e fiesta cultural di mas grandi di Aruba.

Comments

comments