Diasabra anochi tabatin dos wega importante ora cu SV Britannia a enfrenta Bubali den Stadion Frans Figaroa na Noord y RCA a topa cu Dakota den stadion Guillermo P. Trinidad na Dakota. Tabata dos wega di suma importancia pa dos team, cu ta SV Britannia y RCA kendenan ambos tabata busca pa drenta play off na ultimo momento.
SV Britannia tabatin mester di solamente un empate pa por clasifica mientrastanto di otro banda RCA tabatin mester di un victoria y sperando cu Britannia trompica y perde contra Bubali.
E aliñacion di Sv Britannia tabata como lo siguiente; Kendrick Dania, Shanika Godoy, Derwin Donato, Luis Murillo, Rodymar Paesch, Renier Paraez, Niño Nuñez, David Castro, Moises Castro, Car Geerman y Sebastian Motoya. Reservenan tabata; Jean-Carl Henriquez, Alex Moreno, Junel Sanchez, Jean-Marc Farro, Daniel Sophia, Marlon Godet y Shen Pieter.
Pa locual ta SV Bubali e ailñacion tabata; Dofi Benita, Theric Ruiz, Marc Jacobs, Dyland Tromp, Randall Gross, Arthur Parra, Rudof Jacobs, Daniel Escalona, Jais Angela, Marshel Kock y Edfer Reyes.
E wega na Noord a cuminsa cu un poco di nervio di parti SV Britannia y tumando na cuenta cu nan tabata falta varios hungado clave riba tereno. Luis “Coco” Estrada ta lesiona y cu Johnatan Ruiz tabatin compromisonan personal.
E wega a cuminsa y ta na di 4 minut cu David Castro ta duna Sebastian Montoya un paso den teblachi y Sebastian ta tira fuerte den skina pero Dolfi Benita keeper di Bubali cu a saca e bala cu tabatin un etiketa di gol. Despues di e hugada aki tur dos team a keda hunga cu hopi cuidou pa no comete pifia. SV Britannia no kier a permiti un gol y un Bubali cu no kier a perde.
Tabata na di 22 minuut di wega cu refree De Leca a pita pa duna Theric Ruiz oportunidad pa bandona tereno y unda cu Theric ta despidi oficialmente for di futbol division Honor. Akinan tanto Bubali como Britannia a duna Theric e pasiyo di despedida y cu awa no wowo Theric a baha tereno y wordo ricibi pa dirigentenan di Bubali y Britannia. Di parti Bubali, Theric Ruiz a ricibi un shirt cu firma di e hugadonan di Bubali y di parti Britannia el a ricibi su shirt cu nr. 5 na man di Franklyn Bareño cu e firma di e hungadonan di Britannia den un cuadra di glas.
Despues di e homenage aki e wega a sigui y halftime a bay aden 0-0. Den di dos mita ambos team a haci algun cambio y pa Britannia, Junel Sanchez a drenta na luga di Moises Castro, Alex Moreno na lugar di Rodymar Paesch, Shen Pieter na luga di David Castro y Marlon Godet na luga di Sebastian Montoya. Den di dos mita SV Britannia a bay mas den defensa hungando pa un empate sabiendo cu Dakota tabatin RCA gana 2-0 y cu un empate Britannia lo clasifica riba propio forsa.
Sin mucho cambio refree De Leca a fluit pa final di wega y aki Britannia a celebra nan clasificacion hunto cu Dakota, Estrella y Nacional. Un pabien na e organisacion di Piedra Plat cu un biaha mas a clasifica pa play off pa di 16 aña consecutivo. SV Britannia tin e record na Aruba! Un pabien pa tur 4 team cu a clasifica y ta desea nan tur clase di exito den play off.
