Sindicato IOWUA ta reuni cu gobierno 1 bes pa luna, pero na momento cu tin algo di biaha ta yama nan pasobra no por wanta 1 luna. Manera e situacion di e 156 empleadonan, e mensahe riba internet, Boy Anthony, presidente di IOWUA, ta tuma contacto cu gobierno. Tur cos ta depende di e problema.
El a bisa cu un multi nacional gusta sinta su so cu gobierno y cu empleadonan, pero IOWUA ta haya cu den nan problema, nan mester sinta na mesa cu gobierno y Citgo. E sindicato kier sa kico ta pasando, dicon Merca si a haya y esunnan di aki no. Tambe dicon a priminti den e negociacion cu CAO y nada, pasobra no ta cumpli ora mester. Mester yega na un acuerdo prome cu e trabounan cuminsa. IOWUA ta wardando riba un reunion e siman aki cu gobierno y despues cu Citgo, pa asina por kita esey for di man pa ta riba mesun caminda.
Den punto di agenda ta poni e parti di cumplimento di pago cu contratista. A bisa e sindicato cu nan ta cumpliendo, tambe a papia cu RdA pa mira si nan ta cumpli cu loke nan a firma. Anthony ta den contacto cu minister di labor pa check tur cos pasobra nan ta bisa e sindicato algo y despues ta bisa gobierno otro cos. Si tur tres partido ta sinta na mesa, e sindicato por duna informacion. E siguiente stap ta pa sinta cu Citgo pa mustra e puntonan di mal contento, e idea ta pa yega na un dialogo pasobra na e momentonan aki pa pone un paro no ta ideal.
Aworaki ta tende di PDVSA, embargo, ta tende 21 compania di rey pero no por perde speransa. Nan a pidi permiso pa 60 operator mas, esaki ta nifica cu mester duna nan un chens. Pero si Citgo sigui asina aki e luga lo bay mas atras. Anthony no ta ansioso cu nan pasobra mester bay mas lihe unda ta combina fase 2 y 3, inspecciona y cuminsa tuma hende, cuminsa mira movecion, mira ken por drenta awo. A yama hopi hende y no necesariamente pone nan como operator pero por pone nan otro caminda, despues nan ta bay over. Tin no ta bin si nan no tin e siguridad di trabou y Anthony tin duda unda nan ta para.
IOWUA kier sa con nan ta para y p’esey ta pidiendo e reunion cu gobierno y Citgo. E sindicato kier pa tin mas transparencia. E forma con nan ta traha tin Anthony den duda, pasobra nunca nan a traha asina cu Valero, Coastal ni El Paso.
