E castigo contra Robbin Ann Didder no a limita solamente na suspension y prohibicion di entrada na Serlimar. Awetardi laat, algo prome cu 7:00pm, el a haya su carta su retiro for di Partido POR net ora e ta drentando misa. Representante di Partido POR, esta Edgar Arends a yama e politico di e partido y a top’e den porta di misa pa entreg’e su carta di retiro y pidi’e pa firma pa ricibi’e tambe.
Robin Ann Didder ta un maestra di scol y a opta pa subi lista di partido POR durante e ultimo eleccion. El a haya number 14 riba lista y a logra no mas cu 66 voto den eleccion na September 2017.
Cu su retiro for di Partido POR, ta muestra cu e acusacion contra Robin Ann Didder ta serio y cu e partido ta haya cu un persona asina no por ta forma parti mas di nan organisacion politico.
Mayan lo tin mas detaye riba e desenlace aki, specialmente pasobra Serlimar ta buscando un Director nobo y e politico aki tambe a solicita. Ta parce cu e scogencia pa ken lo dirigi Serlimar a influencia e decision di awe, pa mita 1 di e 16 candidatonan for di mesa.
