Antes nos tabata pensa cu e djente di lechi no tabata importante pero esey no ta e caso. E djentenan aki ta importante pa morde, kauw, guli y papia. Tambe e djentenan di lechi ta influencia e desaroyo di e cacumbein y e cara. Finalmente, cada djente di lechi lo cay pa crea e luga pa e djentenan fiho, djente di adulto.
Ta conseha e mayor pa siña e mucha skeiro su djente bon. Si ta posibel e mayor ta yuda e mucha. Asina cu e promer djente sali, ta aconsehabel pa skeiro sikiera un biaha pa dia cu un pasta di djente special pa mucha. Generalmente un mucha por spoela y scupi bon te ora cu e tin 5 aña. Pues uza un pasta di djente pa mucha. Esaki tin menos fluoride y e no ta un peliger ora cu e mucha guli esaki. Asina cu e mucha bira dos aña, e mester skeiro su djentenan dos biaha pa dia.
Djentista Hiba e mucha for di chikito na un djentista pa control. Aunke ta djente di lechi, e control y proceso aki ta importante. E mucha ta custumbra y tin menos miedo ora cu e bay un djentista. Mantene e djente di e mucha saludabel. No solamente skeiro e djente sino purba di haci cambio di e tetero, chupon of e tuitbeker mas pronto cu ta posibel pa un beker normal. Tur esaki ta yuda pa un bon desaroyo di e djentenan fiho, di adulto.
