Polis a presenta na un cas na Tanki Leendert pa un supuesto caso di ladronicia den cas. Un bisiña a tuma nota cu e porta di cura di e cas su dilanti tabata hancho habri. Mesora a bati alarma na autoridad.
Esaki a tuma luga den careda di 12:30 am, ora a pensa cu posiblemente un ladron ta purbando di drenta e cas di su bisiña. Dos patruya a presenta rapidamente y a bin topa en berdad cu e porta di cura habri.
A cuminsa tira bista den cura y lusa door di bentana. A mira movecion den cas, cu a resulta di ta e propietarionan, cu a lanta debi na tur e lusamento y conmocion. A duna splicacion di kico tabata tumando luga.
Por a tuma nota di lastro di taira laga atras. Aki ta caminda a conclui cu no tabata trata di un kiebro pero mas bien un hit and run. E vehiculo lo a dal y causa basta daño na e cura di e cas. Sorprendentemente e doñonan di cas no a percata di tur local tabata tumando luga pafo di nan cas.
Nan tabata profundamente na soño te na momento cu polis a presenta. A tuma datos, Forensys tambe a bin colecta lo necesario mientras un patruya a sondea e area pa mira si acaso ainda por topa cu e vehiculo en cuestion. No a logra localisa e chauffeur cu a ocasiona e destruccion aki.
