Siman a habri activo pa Cuerpo di Bombero cu dialuna mainta a atende un candela chikito na Seroe Biento. Aproximadamente pa 8:40 am un unidad di Brandweer a acudi na un residencia caminda a reporta un candela den cura.
Na yegada, e bomberonan tabatin poco dificultad pa haya acceso na e luga caminda for di unda e huma tabata sali door di tin un porta di garashi cera cu candal. Haciendo uzo di herment special pa cu esaki, a logra cort’e y asina a bay paden di biaha.
Afortunadamente a resulta di ta un candela chikito entre e diferente auto bieu cu tin para den e cura. Rapidamente a pag’e y evita cu e por haya chens di plama. For di bomberonan mes por a compronde cu e origen di e candela no tabata e auto mes, pero kimamento di koper su dilanti.
