Desde aña pasa Douane a cuminsa recluta hende pa por haya mas douanero. Tabata tin mester algun douanero pa traha y a cuminsa cu e werving & selectie. Por fin a keda cla cun’e. Di 200 hende cu a solicita, a bay den un werving y un selectie hopi riguroso y a resta awe 10% cu ta sigui pa e opleiding y tin apertura oficial di e opleiding, segun director di Douane, Ricky Croes.
Fase
Tur cos ta bay den fase. Naturalmente pa logistica tambe ta un grupo di 20 ta net bon. E ora bo tin suficiente hende pa por duna atencion suficiente den les, den training, den mentorschap y tambe ora di haci un guia na e sectienan, un grupo di 20 lo ta net bon. Ora cu tin mester di mas, e siguiente grupo lo drenta den futuro.
E prome encuentro
Awe tabata e prome encuentro oficial. E hulpcommiesnan a cuminsa caba. Nan a haya training di departamento di Recurso Humano, nan a haya training na Douane, nan a cana den tur sectie, con nan ta traha, kico Douane ta houd in, con e trabaonan ta. Awe ta e apertura oficial, caminda cu nan a conoce tur esnan involucra, como tambe e hefe di e departamentonan y miembronan di staff, pa asina nan sa cu ken nan ta bay traha y pa nan cuminsa cu e opleiding dialuna awo.
Con largo
E opleiding lo bay ta mas of menos un aña escolar. Dependiendo con e ta bay wordo duna. Aki a scoge pa duna les den dia y e ta bay ta basta largo. Ta percura si pa nan no keda cansa y pa nan por compronde bon. Pa Juli otro aña nan mester ta cla pa wordo hinca den e proceso laboral di biaha.
Den funcion di Gobierno
E hulpcommiesnan aki ta den funcion di Gobierno. Una bes cu nan drenta y ta den Douane caba haciendo nan trabao, nan Landsbesluit lo wordo traha cu nan ta den un tijdelijke dienst di Gobierno.
Ki funcion y ki area
Ricky Croes a sigui splica cu Douane ta un cuerpo unda cu bo ta crece den rango. Bo ta bay cierto les y tin e functiegroepen. Cada grupo tin su trabao di haci. E tin su tarea. Den e caso aki, esakinan a drenta nobo, nan ta bay haya les basico di Douane y nan lo ta bay ta inzetbaar na waf, aeropuerto por ta y di e manera ey ta haya cu esunnan cu ya a caba un les di Hoofdcommies cu a caba di caba, eseynan ta esunnan cu a haya algo mas diep di Douane. Eseynan lo haya funcionnan tiki mas halto. Nan ta schuif op pa esakinan haci nan trabao e ora.
E necesidad
E 20 personanan aki lo bay yuda Douane hopi bon. Mas control ta mas miho. Ta purba di traha semper modernisa y un manera eficiente pa asina no stroba e economia di Aruba. Esakinan por duna un aporte tambe pa por tin un miho control. Door cu nan ta drenta awor aki, ta bay e prome les y ta bay ta trahando na waf y aeropuerto, nan tarea ta bay ta tanto fiscal como non-fiscal, cual ta e tarea di Douane. Akinan sigur na waf e ta bay ta mas preventivo.
