Tin diferente comentario ta andando den e dianan aki cu Universal Aviation, lo bay cambia di maneho. Mirando un proceso cu e mester cana. Un di e personanan pa añanan largo ta na cabes di e aeropuerto priva na e parti pazuid di nos isla, ta sr. Claudio Stamper y e ta aclarea cierto informacionnan cu tin relaciona cu e futuro di aviacion. Universal Aviation ta manehando e luga pa algun aña y ta a base di contract. Y aparentemente e contract ta caba pa fin di December.

E ta conta cu ta normal cu ora cu un acuerdo di consesion caba, den e caso aki di Universal Aviation lo caba dia 31 di December y ta bay den un proceso di destaho. Esey ta pasando awor aki. Esunnan cu ta interesa den haci e bid, a entreg’e dia 1 di December, cu tabata deadline. Pa mas tarda, dia 18 di December, ta dia cu lo anuncia esun cu a gana e bid.

Ken e ta, con, no sa ainda, pasobra e ta den proceso y esey tin cu tuma luga pa nan por tuma over e operacion di e terminal, General Aviation Terminal, dia 1 di Januari 2018.

Rumor

Por bisa hopi cos, pero ta depende kico ta bezig ta pasando. Stamper no por bisa cu ta berdad cu un tal Ignacio Martinez cu lo a gana e bid, pero no por confirma, pasobra pa Stamper, e bid tin cu sigui su proceso normal. Cu tempo di nan mes, ta asina e tabata. Tabata tin hopi hende cu a aplica, y eventualmente Aeropuerto a haci su trabao y a scoge esun cu mester a kies. Den e tempo ey tabata nan. Awor aki no por bisa, pasobra e ta mucho riba man pa hendenan bay bisa cu nan a gana algo si aeropuerto ta den e proceso ainsa.

Movecion di comerciantenan local

Ta wordo bisa tambe cu tabat tin movecionnan di comerciante local hunto cu e persona aki. Hasta tabata tin ministernan presente. Segun Stamper, e cosnan ey supuestamente mester ta confidencial. Cu e por sa, pero no ta na su luga pa divulga kico, ken ta pasa door di esey. Tur e informacionnan ey por haya via imigracion, douane, polis. Tur e departamentonan ey tin e informacion eynan. Tanten cu Stamper no tin algo ta oblig’e di divulga e informacion eynan, no por haci’e.

Standby

E compania por tuma e trahadonan. Ta keda na nan. Tur hende ta liber pa bay aplica cerca ken cu gana. E intencion tambe ta cu ora cu sa ken ta e ganado, entrega un lista di esnan cu ta traha eynan, pa nan dicidi ken nan ta entrevista of con nan kier haci’e. 

Compania di Stamper

Compania di Stamper no a bid. Universal Aviation a crece, pero e mercado a cambia hopi. No tin cu lubida cu 70% di e mercado ta di Venezuela. Venezuela, den e crisis cu e ta, no ta bay drecha, ni pa aki 5 of pa aki 10 aña. Ken lo bay tuma over tin hopi trabao pa haci. Stamper ta deseanan hopi suerte y forsa pa hib’e door y haci’e mas miho cu loke e ta awor aki.