Segun e website di noticia Curacao Chronicle, e welga y manifestacion proclama riba Wilhelminaplein no a haya sosten of e cantidad di personanan cu e sindicatonan a spera p’e.
Di acuerdo cu varios fuente, tabata tin mas of menos un 100 persona presente durante e manifestacion. Dia cuerdo cu e vocero di e sindicatonan, Errol Cova, esaki tabata asina, debi cu e Gobierno a crea confusion door di parcialmente a responde na e demandanan di e sindicatonan ayera nochi.
E sindicatonan ainda ta spera pa mas sosten pa nan lucha durante di dia.
E Conseho di Minister a anuncia ayera den un conferencia di prensa di urgencia cu e salario minimo lo wordo aumenta cu 10 cent na Januari 2018. Fuera di esey, aumento di premie di seguro di auto lo wordo para pa un periodo di seis luna. E decision aki ta pa duna e partidonan envolvi pa bin na un otro solucion.
E retiro di personal di UTS lo sigui, di acuerdo cu e acuerdo colectivo. Di acuerdo cu e Conseho di Minister, e compania no por sobrevivi cu e cantidad di empleadonan cu actualmente ta den nan servicio.
Esaki ta loke cu Errol Cova tabata kiermen cu el a bisa cu e Gobierno parcialmente a bay di acuerdo cu dos di e tres demandanan.
