Benta publiko pa ministerio publiko

528

Riba djaweps 16 di yüli 2020 pa 11 or’ di mainta, Ministerio Públiko i Integraal Afpakteam Curaçao pa intermediashon di deurwaarder ta pasa pa benta públiko di un kantidat di vehíkulonan motorisá ku a keda konfiská. Den e último añanan, Integraal Afpakteam Curaçao hiba diferente investigashonnan i akshonnan den kua a konfiská un gran kantidat di artíkulo.

E investigashonnan i akshonnan aki tabata mas tantu dirihí riba kapital ku a keda optené pa medio di aktividatnan kriminal. Ku e benta públiko aki, Ministerio Públiko i Integraal Afpakteam Curaçao ke manda un señal kla na komunidat ku no mag di saka benefisio for di krímen.

Ministerio Públiko i Afpakteam tin intenshon di sigui tene e benta públikonan aki ku regularidat. Artíkulonan ku lo bende den públiko ta entre otro outo i skuterr. Un i tur ku ta interesá por presensia e subasta riba e tereno di Arbeidszorg situá na Bellisimaweg z/n (zijweg Sta. Rosaweg pega ku SUVEC). Por mira e vehíkulonan riba dia di benta for di 8 di mainta.