Casamento di mesun sexo ta un discusion cu tin hopi aña bezig. Segun parlamentario Benny Sevinger, durante noticiero Enfoke, a splica cu e ta bin di un famia catolico den esey y e ta kere den casamento pa misa, den e parti religioso, entre hende homber y hende muhe.
Pero di un otro banda e ta kere den igualdad. Semper el a bisa esey. Como politico tin cu tuma un decision y e opinion personal ta hunga un rol den esey, pero no por ta e mesun cu ta determina na final kico ta e votacion. Den e caso aki Benny Sevinger ta pro e ley di matrimonio di e mesun sexo.
Pero den AVP no ta tur hende ta di acuerdo cu e ponencia aki. Den un partido grandi naturalmente tin ta pensa otro, mescos cu comunidad.
E mes tin di evalua mirando e parti di iglesia, ta mira e parti di hende homber y hende muhe, pero tambe e ta kere den igualdad, ya cu hende tambe tin derecho pa ley. Sevinger a comenta cu e por separa un di otro y ora e ley bin, e no ta bay vota pa un hende cu no por casa pa iglesia. Ley ta bisa cu ta reconoce cu e hendenan aki tin derecho den civil y Benny Sevinger ta completamente pro.
